- info@legalki.eus
- 943 05 59 08
Jabetza Horizontala
BIZILAGUNEKIN ARAZOAK?
Jabekideen erkidegoan dituzun arazoak konpontzeko abokatu onenak gara.
Zure etxebizitzan seguru bizi zaitezen behar duzun laguntza jasoko duzu.
Zure lasaitasuna gure lehentasuna da.
Zertan lagun zaitzakegu
eta nola egingo dugu
Legalkin zure bizilagunekin edo jabekideen erkidegoarekin dituzun gatazka ezberdinak konpontzeko beharrezko gaikuntza eta esperientzia ditugu.
Bizikidetzak, interes partikular kontrajarriek eta jabetza horizontala antolatzen duten arau aldakor eta nahasiek bizilagunen arteko tirabirak sortzen dituzte.
Arrazoi ezberdinek piztu daitzakete arazo hauek, hala nola, irisgarritasun mugatuek, zaratek, baimendu gabeko edo egin beharreko obrek, gastu desberdinetako ekarpen obligazioek, berankortasunak edo akordio desberdinetarako behar diren gehiengoek.
Zure kasua hauetako bat bada zure zalantzak argitu eta aholkularitza egokiena eskainiko dizugu, behin jabeen eta jabekideen erkidegoaren eskubideak eta betebeharrak ondo ezagututa, zure intereserako komenigarriena den erabakia har dezazun. Beharrezkoa balitz, auzibideko erreklamazio baten bideragarritasuna eta kostua aztertuko genituzke.
- 1
-
Formularioa bete
Zure kasuaren inguruan kontsulta egin nahi badiguzu, beheko formularioa bete besterik ez duzu. 24 ordu baino gutxiagotan zurekin harremanetan jarriko gara.
- 2
-
Zure kasua aztertuko dugu konpromisorik gabe
Lehen bilera bat egingo dugu zure zalantzak argitu eta helburuak finkatzeko. Horiek lortzeko modu egokiena elkarrekin adostuko dugu.
- 3
-
Auzibidetik kanpoko akordioa lortzen saiatuko gara
Beste alderdiarekin harremanetan jarriko gara zure kasua adostasunaren bidetik konpontzen saiatzeko. Gure eskaera aintzat ez hartzekotan, auzibidera joko dugu.
- 4
-
Zure arazoa betiko konponduta geldituko da
Beste alderdiak gure erreklamazioa aintzat hartzen duenean, edo epai baitek erreklamazio hori betetezera zigurtzen duenean, adostutakoaren edo epaian ezarritakoaren arabera jokatu beharko du.
Gardenak izango gara denbora guztian
Gure bezeroekiko gardentasuna mantentzea Legalkiren zeinu propioa da.
Horregatik, zure kasuari dagokion material guztia une oro eskuratu ahal izango duzu gure plataforman.
Zure kasua kontatu
Elkar ezagutuko dugu
Legalkin alta emango zaitugu
Jakinaren gainean izango zaitugu une oro
Emaitzak berehala ikusiko dituzu
Zenbat ordaindu beharko duzu?
Gure lehen kontsulta doakoa da, eta gure zerbitzua kontratatu nahi baduzu, funts- hornidura gisa diru kopuru bat jasoko dugu zure kasuaren defentsari ekiteko.
- Funts-hornidura gisa jasoko dugun diru-kopuru finkoa 300 eurokoa da. Diru hau jaso eta berehala hasiko gara lanean.
- Beharrezkoa izango da gaiarekin lotura duten dokumentu ezberdinak aztertzea; hala nola, erkidegoaren estatutuak edo akordioak hartu zireneko aktak.
- Beste alderdiari burofax bat bidaliko diogu, testuaren egiaztapenarekin eta jaso izanaren adierazpenarekin, zure erreklamazioa jakinarazteko eta gure eskaera berehala eta auzibidetik kanpo aintzat hartu dezan eskatzeko.
- Akordio batera heldu ezkero, akordioa lortzeko behar izan den negoziazioaren konplexutasunaren eta iraupenaren araberako beste zenbateko bat ere jasoko dugu.
- Erreklamazio judizial bat aurkeztu behar badugu, gutxiengo ordainsariak kasu bakoitzara egokituko dira, epaiketa motaren, honen zailtasunaren eta dagoen interes ekonomikoaren arabera. Adibide gisa, gure ordainsariak hauek dira:
- - Prozedura monitorioa (kuoten berankortasuna): erreklamatutako zenbatekoaren arabera, zenbateko horren %5 - %10 tartekoa.
- -Ahozko epaiketa: erreklamatutako zenbatekoaren arabera, zenbateko horren %5 - %10, gehi 400€ epaiketa prestatzeagatik eta bertaratzeagatik.
- - Epaiketa arrunta: zenbateko bat erreklamatzen bada, zenbateko honen %10 gutxi gorabehera, gehi 400€ epaiketa prestatzeagatik eta bertaratzeagatik.
- Gaiare arrazoiagatik baldin bada, 1.800€
* Kopuru hauen barne EZ daude:
- Dagokion B.E.Z.a.
- Parte hartu behar duten beste profesionalen ordainsariak; adibidez, prokuradorea, perituak…
- Prozeduraren ondorioz sortutako gastuak ez-ohikoak, edo Lurralde Entzutegi edo Auzitegi Gorenaren aurrean aurkeztu beharreko helegiteengatik sortutakoak.
Nork lagunduko zaitu?
Manuel Soto
Etxebizitza, Delituak eta Familia
1996an Zuzenbidean lizentziatu zen Euskal Herriko Unibertsitatean. Bere ibilbide juridikoa auzitegietako prokuradore bezala hasi zuen eta horretan eman zituen lau urte. Gipuzkoako Abokatuen Elkargo Prestuan izena eman zuen gero, eta ordutik etengabe dihardu abokatu bezala.
Gai penal eta zibiletan aditua da, batez ere higiezinen jabetzari, familiari edo genero-indarkeriari dagozkienetan.
Etengabeko prestakuntzaren garrantziaz jabetuta, aldizka antolatzen diren gai horiei edo beste batzuei buruzko jardunaldietan parte hartzen du ahal duen bakoitzean.
Higiezinen jabetzako agentearen titulua du, finken administratzaile kolegiatua da eta arlo zibil eta merkataritzako bitartekaritzan ezagutza haundia du.
Lehen kontsulta doan
Jarri harremanetan eta zure kasuaren inguruan hitz egingo dugu.
"Zerbitzu juridikoak
eskaintzeko modu berri bat"
Harremana
- Garibai Kalea, 34, 1. D, 20004 Donostia - San Sebastian (Gipuzkoa)
- 943 05 59 08
- info@legalki.eus
Ordutegia
Jarri gurekin harremanetan astelehenetik ostiralera 9:00tatik 20:00ak arte
LEHENENGO KONTSULTA DOAN